prem

prem jbse paane ka naam ho gaya
hm logo ki karni se badnaam ho gaya
vikreet hua jbse eska rup
maanav man bhi presaan ho gaya

vo tyag ki baate
 bita hua sunhara kal
sapno ki baate ho gayi
jabse pyar me aaya chhal

bhul gaye ham us radha ko
jo shyam ki deewani thi
virahaanal me jalana hi
jiski apni kahaani thi


ab kyu koi meera n milati
jo shyam darash ko pyasi thi
the sabhi sansaar ke sukh,phir bhi
man me bhari udaashi thi

prem bas hokar hi
meera ne piya vish ka pyala
duba diya khud ko usne
jab mila shyam rash ka haala

par aaj sb ye baate
swpan sarikhi lagti hai
man me khatm ho gaya hai prem
dilo me udaashi bahti hai